Ռազմավարական էկոլոգիական գնահատումը շրջակա միջավայրի վրա ազդեցությունների որոշման և գնահատման գործընթաց է, որի նպատակն էկոլոգիական անվտանգության պահանջների և շրջակա միջավայրի վրա ազդեցության սահմանափակումների հիման վրա կայուն զարգացման ապահովումն է։

Ռազմավարական էկոլոգիական գնահատումն իրականացնում է նախաձեռնողը՝ համապատասխան լիցենզիա ունենալու դեպքում կամ համապատասխան լիցենզիա ունեցող անհատ ձեռնարկատիրոջ կամ իրավաբանական անձի հետ պայմանագիր կնքելու միջոցով: ՌԷԳ հաշվետվության մշակման գործունեության լիցենզավորման կարգը հաստատում է Կառավարությունը:

Հիմնադրույթային փաստաթղթի շրջակա միջավայրի վրա ազդեցության փորձաքննական եզրակացություն ստանալու համար անհրաժեշտ է նախաձեռնողի կողմից ՀՀ Շրջակա միջավայրի նախարարություն ներկայացնել դիմում:

Եզրակացություն ստանալու համար փորձաքննության ներկայացվող փաստաթղթերը նախարարություն հնարավոր է ներկայացնել էլեկտրոնային փոստով կամ ֆիզիկապես։

Շրջակա միջավայրի վրա ազդեցության փորձաքննական եզրակացություն ստանալու հայտ ներկայացնելու համար անհրաժեշտ է պահանջվող փաստաթղթերն ուղարկել նշված էլեկտրոնային հասցեին՝ minenv@env.am 

Ներկայացվող պահանջները

ՌԷԳ-ի ենթակա են սոցիալ-տնտեսական զարգացման, էներգետիկայի, քաղաքաշինության, տրանսպորտի, կապի, գյուղատնտեսության, զբոսաշրջության, տարածքային զարգացման, ընդերքօգտագործման, արդյունաբերական ճյուղերի, ռեկրեացիայի, անտառատնտեսության, ձկնաբուծության, թափոնների գործածության, ջրային տնտեսության բնագավառներին վերաբերող հիմնադրույթային փաստաթղթերի նախագծերը:

նախատեսվող գործունեության Ա կատեգորիայի տեսակների համար

Ռազմավարական էկոլոգիական գնահատման (ՌԷԳ) են ենթակա սոցիալ-տնտեսական զարգացման, էներգետիկայի, քաղաքաշինության, տրանսպորտի, գյուղատնտեսության, ընդերքօգտագործման և մի շարք այլ բնագավառներին վերաբերող հիմնադրույթային փաստաթղթերի նախագծերը։

Պահանջվող փաստաթղթերը

Նշված էլ․ փոստի հասցեին անհրաժեշտ է ուղարկել հետևյալ փաստաթղթերը՝

• դիմում,

• ռազմավարական էկոլոգիական գնահատման (ՌԷԳ ) հաշվետվություն,

• նախատեսվող գործունեության դեպքում՝ նախագծային փաստաթուղթը,

• տեղական ինքնակառավարման մարմնի կողմից օրենքով սահմանված նախնական համաձայնության որոշումը (եթե սահմանված ժամկետում համայնքի ավագանու կողմից որոշում չի կայացվում՝ նախաձեռնողը փաստաթղթերի փաթեթը կարող է փորձաքննության ներկայացնել առանց համաձայնության, ինչի դեպքում հարցում է կատարվում համապատասխան համայնքի ղեկավարին՝ ճշտելու նպատակով նախնական համաձայնության առկայությունը),

• տեղական ինքնակառավարման մարմնի կողմից իրականացված համապատասխան հանրային լսումների ընթացքում կազմված փաստաթղթերը (ծանուցման հրապարակման պատճենը, լուսանկարները կամ տեսաձայնագրությունները, առկայության դեպքում՝ առաջարկությունները և կարծիքները, ինչպես նաև հանրային լսումների արձանագրությունները)։

Ծառայության մատուցումը մերժելու հիմքերը

Հայտը մերժվում է, եթե՝

• լրամշակման վերադարձված փաթեթը նախաձեռնողի կողմից չլրամշակված ներկայացնելու դեպքում լիազոր մարմինը չլրամշակված փաթեթն ստանալուց հետո՝ 10 աշխատանքային օրվա ընթացքում, տալիս է բացասական եզրակացություն,

• 30 աշխատանքային օրվա ընթացքում նախաձեռնողի կողմից լրամշակված փաթեթը չներկայացվելու դեպքում փաթեթն օրենքի ուժով համարվում է բացասական եզրակացություն ստացած:

Տրամադրման ժամկետը և կարգը

Հիմնադրութային փաստաթղթի նախագծի ՌԵԳ հաշվետվության համար եզրակացությունը տրամադրվում է 80 աշխատանքային օրվա ընթացքում:

Փորձաքննության գործընթացների լիարժեքությունն ապահովելու համար լրացուցիչ աշխատանք կատարելու անհրաժեշտության դեպքում փորձաքննական գործընթացի ժամկետը կարող է երկարաձգել մինչև 30 աշխատանքային օրով։