Ընդունման ամսաթիվը - 02․02․1971 թ., Ռամսար

Ուժի մեջ է մտել Հայաստանում - 06․11․1993 թ.

Ազգային համակարգող - Կարեն Ճենտերեճյան

• Պաշտոն` ՀՀ  շրջակա միջավայրի նախարարության իրավախորհրդատու
  
• Կոնտակտներ՝  հեռ. 011 818 555 (ներքին 5111), karen.jenderedjian@env.am 

1971 թվականի փետրվարի 2-ին Իրանի Ռամսար քաղաքում ընդունվեց ‹‹Միջազգային կարևոր նշանակություն ունեցող խոնավ տարածքների, հատկապես` որպես ջրային թռչունների բնակավայր›› Ռամսարի կոնվենցիան: ՄԱԿ-ի Գլխավոր ասամբլեան 2021 թվականի 75/317 բանաձևով պաշտոնապես հաստատեց փետրվարի 2-ը որպես ՄԱԿ-ի կողմից նշվող Խոնավ տարածքների համաշխարհային օր։ Ռամսարի կոնվենցիան խոնավ տարածքներ է ճանաչում բնական կամ արհեստական, ժամանակավոր կամ մշտական ճահիճները, խրուտները, տորֆավայրերը կամ ջրատարածքները՝ լճացած կամ հոսող, քաղցրահամ, աղիավուն կամ աղի, այդ թվում՝ նաև ծովային տարածքները, որոնց խորությունը տեղատվության ժամանակ չի գերազանցում վեց մետրից:
Այսօր Կոնվենցիային միացել է 172 երկիր, Ռամսարի տարածքների թիվը 2520 է, իսկ նրանց ընդհանուր մակերեսը՝ 253084219 հեկտար: Հայաստանը միացել է Ռամսարի կոնվենցիային 1993 թվականի նոյեմբերի 6-ին, դառնալով 70-րդ անդամակցող երկիրը։ Հայաստանն այժմ ունի երեք Ռամսարի տարածք՝ Սևանա լիճը, Արփի լիճը և Խոր Վիրապի ճահիճը։

Ընդունման ամսաթիվը - 09.05.1992թ., Ռիո Դե Ժանեյրո
Ուժի մեջ է մտել Հայաստանում - 21․03․1994 թ.

Ազգային համակարգող - Արամ Մեյմարյան

• Պաշտոն՝ ՀՀ շրջակա միջավայրի նախարարի տեղակալ
• Կոնտակտներ`  հեռ. 011 818 555/5601,  a.meymaryan@env.am

ՄԱԿ-ի «Կլիմայի փոփոխության մասին» շրջանակային կոնվենցիայի նպատակն է կայունացնել մթնոլորտում ջերմոցային գազերի խտությունը այնպիսի մակարդակով, որ կանխվի վտանգավոր մարդածին ազդեցությունը կլիմայական համակարգի վրա։

Փարիզյան համաձայնագիրը կլիմայի փոփոխությանը վերաբերող իրավաբանորեն պարտավորեցնող միջազգային համաձայնագիր է: Այն ընդունվել է 198 երկրների կողմից՝ ՄԱԿ-ի Կոնվենցիայի Կողմ երկրների 21-րդ համաժողովում։

Նպատակը՝ զսպել գլոբալ միջին ջերմաստիճանի բարձրացումը նախաարդյունաբերական շրջանի համեմատությամբ 2 աստիճանից ցածր մակարդակում` միաժամանակ ձգտելով չգերազանցել 1.5 աստիճանը։

• ՄԱԿ-ի «Կլիմայի փոփոխության մասին» շրջանակային կոնվենցիայի Կիոտոյի արձանագրություն
  Ընդունման ամսաթիվը - 11․12․1997, Կիոտո
  Ուժի մեջ է մտել Հայաստանում - 16.02.2005
  
  
• Կիոտոյի արձանագրության Դոհայի փոփոխություն
  Ընդունման ամսաթիվը - 08․12․2012, Դոհա
  Ուժի մեջ է մտել Հայաստանում - 31․03․2017թ.
  
  
• Փարիզյան համաձայանգիր
  Ընդունման ամսաթիվը - 12․12․2015, Փարիզ
  Ուժի մեջ է մտել Հայաստանում - 22․04․2017

Մանրամասները՝ https://unfccc.int/

Ընդունման ամսաթիվը - 01․10․1994, Փարիզ

Ուժի մեջ է մտել Հայաստանում - 17․07․1997

Ազգային համակարգող - Նարինե Հակոբյան

• Պաշտոն՝ ՀՀ շրջակա միջավայրի նախարարության հողերի և ընդերքի քաղաքականության վարչության պետի տեղակալ
• Կոնտակտներ`  հեռ. 011 818 555/5281, n.hakobyan@env.am

ՄԱԿ-ի Անապատացման դեմ պայքարի կոնվենցիան իրավաբանորեն պարտավորեցնող միջազգային համաձայնագիր է, որը ձևավորվել է Ռիոյի 1992 թ. գագաթնաժողովից հետո՝ 1994 թվականին և ուղղված է անապատացման, հողերի դեգրադացիայի և երաշտի դեմ պայքարին՝ հատկապես չորային, կիսաաչոր և չոր ենթախոնավ տարածքներում: Կոնվենցիայի նպատակն է խթանել հողերի կայուն կառավարումը, բարելավել խոցելի տարածքներում մարդկանց կենսապայմանները և նվազեցնել կլիմայի փոփոխության ազդեցությունը՝ վերականգնելով  հողերը և էկոհամակարգերը համաշխարհային համագործակցության միջոցով:

Մանրամասները՝ https://www.unccd.int/

Ընդունման ամսաթիվը - 22.03.1989, Բազել

Ուժի մեջ է մտել Հայաստանում - 30.12.1999

Ազգային համակարգող - Արտակ Խաչատրյան

• Պաշտոն՝  ՀՀ շրջակա միջավայրի նախարարության «Հիդրոօդերևութաբանության և մոնիտորինգի կենրտոն» ՊՈԱԿ–ի թափոնների և քիմիական նյութերի ուսումնասիրության ծառայության պետ
• Կոնտակտներ`  հեռ. 010 576 280,  artak.khachatryan@env.am 

Կոնվենցիայի հիմնական նպատակն է մարդու առողջության և շրջակա միջավայրի պաշտպանությունը վտանգավոր թափոնների առաջացման, անդրսահմանային փոխադրման և գործածության բացասական հետևանքներից։ Բազելի կոնվենցիայի սկզբունքները ներառում են անդրսահմանային փոխադրման կրճատում, էկոլոգիապես համահունչ կառավարում, նախնական տեղեկացված համաձայնություն, թափոնների առաջացման կրճատում, պատասխանատվություն և հատուցում։ Ներկայում Կոնվենցիան ունի 191 Կողմ։

Մանրամասները՝ https://www.basel.int/ 

Ընդունման ամսաթիվը - 10․09․1998, Ռոտերդամ

Ուժի մեջ է մտել Հայաստանում - 24․02․2004

Ազգային համակարգող - Անահիտ Ալեքսանդրյան

• Պաշտոն՝ ՀՀ շրջակա միջավայրի նախարարության իրավախորհրդատու
• Կոնտակտներ`  հեռ. 011 818 555 (5190),  anahit.aleksandryan@env.am

Կոնվենցիայի նպատակն է վտանգավոր քիմիական նյութերի վերաբերյալ տեղեկատվություն ստանալն ու երկրների միջև տարածելը, ինչպես նաև աջակցության ցուցաբերումը երկրներին Կոնվենցիայում թվարկված վտանգավոր քիմիական նյութերի և թունաքիմիկատների ներմուծման մասին որոշում ընդունելու հարցում:

Կոնվենցիայի հիմնական դրույթների համաձայն՝ Կողմ երկրները պետք է նպաստեն ազգային մակարդակով որոշումների ընդունմանը՝ կապված առանձին վտանգավոր քիմիական նյութերի և պեստիցիդների ներկրման և արտահանման հետ։

Կոնվենցիայի Կողմ երկրներում արգելվում է այն քիմիական նյութերի և պեստիցիդների արտադրությունն ու օգտագործումը, որոնք ընդգրկված են ներկրման համար արգելված վտանգավոր քիմիական նյութերի և պեստիցիդների ազգային ցանկում։

Ներկայում Կոնվենցիայի Կողմ են հանդիսանում 165 պետություններ։

Մանրամասները՝ https://www.pic.int/

Ընդունման ամսաթիվը - 23.05.2001, Ստոկհոլմ

Ուժի մեջ է մտել Հայաստանում - 22.10.2003

Ազգային համակարգող - Անահիտ Ալեքսանդրյան

• Պաշտոն՝ ՀՀ շրջակա միջավայրի նախարարության իրավախորհրդատու
• Կոնտակտներ`  հեռ. 011 818 555 (5190),  anahit.aleksandryan@env.am

Կոնվենցիան նպատակաուղղված է մարդու առողջության և շրջակա միջավայրի պահպանությանը կայուն օրգանական աղտոտիչների վնասակար ազդեցությունից:

Ստոկհոլմի կոնվենցիայի իրականացման նպատակով անհրաժեշտ է մշակել կայուն օրգանական աղտոտիչների արտանետումների կրճատման, թափոնների ոչնչացման, այլընտրանքների վերաբերյալ տեղեկատվության փոխանակման ազգային գործողությունների ծրագրեր:

Ներկայում այն վավերացրել են 186 երկրներ:

Մանրամասները՝ https://chm.pops.int/

Ընդունման ամսաթիվը - 10.11.2013, Կումամոտո

Ուժի մեջ է մտել Հայաստանում - 13․03․2018

Ազգային համակարգող - Անահիտ Ալեքսանդրյան

• Պաշտոն՝ ՀՀ շրջակա միջավայրի նախարարության իրավախորհրդատու
• Կոնտակտներ`  հեռ. 011 818 555 (5190),  anahit.aleksandryan@env.am

«Սնդիկի վերաբերյալ» Մինամատայի կոնվենցիայի նպատակը մարդու առողջության և շրջակա միջավայրի պահպանումն է սնդիկի և սնդիկի միացությունների անթրոպոգեն ազդեցությունից: Կոնվենցիան նպաստում է սնդիկի և սնդիկի միացությունների վերաբերյալ գիտական, տեխնիկական և իրավական տեղեկատվության, ներառյալ` թունաբանական և էկոթունաբանական բնույթի, ինչպես նաև անվտանգության հարցերին վերաբերող տեղեկատվության փոխանակմանը, ապօրինի շրջանառության կանխարգելմանը: Կոնվենցիան Հայաստանի Հանրապետությունը վավերացրել է 2017 թվականի հոկտեմբերի 19-ին: Ներկայում Կոնվենցիան վավերացրել են 141 երկիր:

Մանրամասները՝ https://minamataconvention.org/en

Ընդունման ամսաթիվը - 03.03.1973, Վաշինգտոն
Ուժի մեջ է մտել Հայաստանում - 21.01.2009

Ազգային համակարգող - Տաթևիկ Կիրակոսյան

• Պաշտոն` ՀՀ  շրջակա միջավայրի նախարարության կենսառեսուրսների կառավարման վարչության գլխավոր մասնագետ
• Կոնտակտներ՝  հեռ. 011 818 555 (ներքին 5240),  t.kirakosyan@env.am 

«Անհետացման եզրին գտնվող վայրի բուսական և կենդանական աշխարհի տեսակների միջազգային առևտրի մասին» կոնվենցիան (CITES)  կարգավորում է անհետացման վտանգի տակ գտնվող կենդանական և բուսական աշխարհի տեսակների միջազգային առևտուրը (այդ թվում՝ կենդանի կենդանիներ, բույսեր, նրանց մասեր ու ածանցյալներ՝ մորթի, փայտ, դեղորայք, հուշանվերներ և այլն)՝ տեսակները դասակարգելով երեք հավելվածներում։

Կոնվենցիայի առաքելությունն է վերահսկել և կարգավորել վայրի ֆլորայի և ֆաունայի տեսակների միջազգային առևտուրը՝ բացառելու բնությանն ու կենսաբազմազանությանը հասցվող վնասը։

 Մանրամասները՝ https://cites.org/eng/parties/country-profiles/am/compliance-status

Ընդունման ամսաթիվը - 23.06.1979, Բոնն

Ուժի մեջ է մտել Հայաստանում - 01․03․2011

Ազգային համակարգող - Սևակ Բալոյան

• Պաշտոն՝ 
• Կոնտակտներ` 

«Վայրի կենդանիների միգրացվող տեսակների պահպանության մասին» կոնվենցիայի նպատակն է պահպանել ցամաքային, ծովային և օդային միգրացվող տեսակներն իրենց տարածման ամբողջ շրջանում (արեալում): Բոննի կոնվենցիան եզակի միջազգային պայմանագրերից մեկն է, որը նպատակաուղղված է վայրի կենդանիների և նրանց բնակավայրերի պահպանությանը:

Կոնվենցիայի կողմ երկրները համատեղ աշխատանքով՝

• պետք է աջակցեն, համագործակցեն և օժանդակեն միգրացվող տեսակներին վերաբերող հետազոտություններին,
• պետք է ձգտեն ապահովել I հավելվածում ընդգրկված միգրացվող տեսակների համար անհապաղ պաշտպանությունը,
• պետք է նախաձեռնեն II հավելվածում ներառված միգրացվող տեսակների պահպանության և կառավարման վերաբերյալ համաձայնագրերի կնքումը:

Մանրամասները՝ https://www.cms.int/

Ընդունման ամսաթիվը - 25․06․1998

Ուժի մեջ է մտել Հայաստանում - 30.10.2001

Ազգային համակարգող - Մարի Չաքրյան

• Պաշտոն` ՀՀ  շրջակա միջավայրի նախարարության իրավախորհրդատու
  
• Կոնտակտներ՝  հեռ. 011 818 555 (ներքին 5110),  mari.chakryan@env.am 

Կոնվենցիայի նպատակներն են՝ մարդու առողջության և բարեկեցության, տեղեկության մատչելիության իրավունքի աջակցությունը, շրջակա միջավայրին առնչվող որոշումների ընդունման գործընթացում հասարակայնության մասնակցության և արդարադատության մատչելիության իրավունքի պաշտպանությունը։

Օրհուսի կոնվենցիան այլ միջազգային-իրավական փաստաթղթերից առանձնանում է նրանով, որ մշակվել է հասարակայնության ակտիվ մասնակցությամբ։ Ի տարբերություն այլ կոնվենցիաների, որոնք սահմանում են միմյանց նկատմամբ պետությունների պարտականությունները, Օրհուսի կոնվենցիան ամրագրում է պետության պարտականությունն իր հասարակության հանդեպ։

Աղտոտիչների արտանետման և փոխանցման ռեգիստրների մասին արձանագրության հետ միասին համաշխարհային մակարդակում բնապահպանական ժողովրդավարության վերաբերյալ բացառիկ իրավական պարտադիր համաշխարհային գործիքներ են, որոնք գործնականում կիրառում են Ռիոյի «Շրջակա միջավայրի և զարգացման մասին» հռչակագրի 10-րդ սկզբունքը: Կոնվենցիան ներկայում ունի 𝟒𝟕 Կողմ։

Մանրամասները՝ https://aarhus.osce.org/

Ընդունման ամսաթիվը - 22.03.1985, Վիեննա
Ուժի մեջ է մտել Հայաստանում - 30․12․1999

Ազգային համակարգող - Լիանա Ղահրամանյան

• Պաշտոն՝ ՀՀ շրջակա միջավայրի նախարարության իրավախորհրդատու
• Կոնտակտներ`  հեռ. 011 818 555 (5320), liana.ghahramanyan@env.am   

Վիեննայի կոնվենցիայի նպատակը օզոնային շերտի պահպանության վերաբերյալ միջազգային համագործակցության խթանումն է՝ հետազոտությունների, մոնիթորինգի և տվյալների փոխանակման միջոցով, հատկապես օզոնային շեևտը քայքայող նյութերի (ՕՔՆ) պատճառով առաջացող վնասակար ազդեցություններից խուսափելու նպատակով։ Կոնվենցիան ընդունվել է 1985 թվականին և թեպետ չի սահմանում պարտադիր սահմանափակումներ ՕՔՆ օգտագործման համար, այն ապահովում է իրավական հիմք հետագա արձանագրությունների և միջոցառումների համար։ Փաստաթուղթը խրախուսում է երկրներին մշակել ազգային քաղաքականություններ և ներդաշնակեցված քայլեր ձեռնարկել օզոնային շերտի քայքայումից պաշտպանվելու համար։ Վիեննայի կոնվենցիան հիմք հանդիսացավ Մոնրեալի արձանագրության ընդունման համար, որը ներառում է կոնկրետ սահմանափակող միջոցառումներ։

• «Օզոնային շերտը քայքայող նյութերի մասին» Մոնրեալի արձանագրություն
  Ընդունման ամսաթիվը - 16.09.1987, Մոնրեալ
  Ուժի մեջ է մտել Հայաստանում - 30.12.1999
  
  
• Մոնրեալի արձանագրության Լոնդոնյան ուղղում
  Ընդունման ամսաթիվը - 27.06.1990, Լոնդոն
  Ուժի մեջ է մտել Հայաստանում - 22․10․2003
  
  
• Մոնրեալի արձանագրության Կոպենհագենյան ուղղում
  Ընդունման ամսաթիվը - 25.11.1992, Կոպենհագեն
  Ուժի մեջ է մտել Հայաստանում - 24․02․2004
  
  
• Մոնրեալի արձանագրության Պեկինյան փոփոխություն
  Ուժի մեջ է մտել Հայաստանում - 01․01․2001
  Ընդունման ամսաթիվը - 29․11-03․12․1999, Պեկին
  
  
• Մոնրեալի արձանագրության Մոնրեալյան փոփոխություն
  Ընդունման ամսաթիվը - 15-17․1997, Մոնրեալ 
  Ուժի մեջ է մտել Հայաստանում - 01․01․1999Մանրամասները՝  https://ozone.unep.org/

Ընդունման ամսաթիվը - 05․06․1992, Ռիո դե Ժանեյրո

Ուժի մեջ է մտել Հայաստանում - 29.12.1993

Ազգային համակարգող - Ոսկեհատ Գրիգորյան

• Պաշտոն՝ ՀՀ շրջակա միջավայրի նախարարության բնության հատուկ պահպանվող տարածքների և կենսաբազմազանության քաղաքականության վարչության պետ
• Կոնտակտներ`  հեռ. 011 818 555/5140,  voskehat.grigoryan@env.am

Կոնվենցիայի հիմնական նպատակն է ապահովել կենսաբազմազանության պահպանությունը, դրա բաղադրիչների կայուն օգտագործումը, ինչպես նաև գենետիկ ռեսուրսների օգտագործումից ստացվող օգուտների արդարացի և հավասար բաշխումը։ Այն ուղղված է ինչպես բնության, այնպես էլ մարդկության բարեկեցության ապահովմանը՝ խթանելով բնապահպանական կայունությունը, սոցիալ-տնտեսական զարգացումը և երկրների միջև համագործակցությունը։

Մանրամասները՝ https://www.cbd.int/

Ընդունման ամսաթիվը - 30․11․1977, Ժնև

Ուժի մեջ է մտել Հայաստանում - 22.05.1997

Ազգային համակարգող - Գայանե Շահնազարյան

• Պաշտոն՝ ՀՀ շրջակա միջավայրի նախարարության «Հիդրոօդերևութաբանության և մոնիտորինգի կենրտոն» ՊՈԱԿ–ի թափոնների և քիմիական նյութերի ուսումնասիրության ծառայության պետ
• Կոնտակտներ`  հեռ. 010 242 050,  gayane.shahnazaryan@env.am 

Կոնվենցիայի նպատակներն են՝ մարդուն և շրջակա միջավայրին օդի աղտոտումից պաշտպանությունը, օդի աղտոտոման, այդ թվում` մեծ տարածության վրա, սահմանափակումը և կանխումը:

Կոնվենցիայի շրջանակում Հայաստանի Հանրապետությունը պարտավորվում է մշակել լավագույն քաղաքականությունը և ռազմավարությունը` ներառյալ օդի որակի կառավարման համակարգերը և, որպես դրանց անքակտելի մաս, օդի աղտոտման դեմ պայքարի այն միջոցները, որոնք համատեղելի են հավասարակշռված զարգացման հետ` մասնավորապես առկա լավագույն և տնտեսապես արդարացված, ինչպես նաև սակավամնացորդ կամ անմնացորդ տեխնոլոգիաների կիրառման միջոցով:

Կոնվենցիայի շրջանակում հավաքագրվում, հաշվարկվում, գնահատվում են վնասակար նյութերի արտանետումների տվյալները, մշակվում և կոնվենցիայի քարտուղարությանն է ներկայացվում ՀՀ-ում վնասակար նյութերի մթնոլորտային արտանետումների գույքագրման տարեկան հաշվետվությունը: Ներկայումս Կոնվենցիան ունի 51 Կողմ։

Մանրամասները՝ https://www.ceip.at/ceip-reports

Ընդունման ամսաթիվը - 17.03.1992, Հելսիինկի

Ուժի մեջ է մտել Հայաստանում - 19.04.2000

Ազգային համակարգող - Լիանա Փափախչյան

• Պաշտոն` ՀՀ շրջակա միջավայրի նախարարության վտանգավոր նյութերի և թափոնների քաղաքականության վարչության պետ
  
• Կոնտակտներ՝  հեռ. 011 818 555/5480, l.papakhchyan@env.am 

Կոնվենցիայի հիմնական նպատակներից են այնպիսի արդյունաբերական վթարների կանխումը, դրանց համար պատրաստվածության ապահովումը և դրանց հետևանքների վերացումը, որոնք կարող են անդրսահմանային ազդեցություն ունենալ՝ ներառյալ տարերային աղետների հետևանքով տեղի ունեցած վթարների ազդեցությունը, ինչպես նաև՝ արդյունաբերական վթարների կանխման, դրանց համար պատրաստվածության ապահովման և դրանց հետևանքների վերացման նպատակով տեղեկատվության և տեխնոլոգիաների փոխանակումը, հետազոտությունների և փոխադարձ աջակցության ոլորտում միջազգային համագործակցությունը։

Ընդունման ամսաթիվը - 25.02.1991, Էսպո

Ուժի մեջ է մտել Հայաստանում - 10․09․1997

Ազգային համակարգող - Էլյանորա Գրիգորյան

• Պաշտոն՝ ՀՀ շրջակա միջավայրի նախարարության իրավախորհրդատու
• Կոնտակտներ`  հեռ. 091 484 820,  lararsh@rambler.ru 

Կոնվենցիան գործունեության արդյունքում անդրսահմանային համատեքստում շրջակա միջավայրի վրա ազդեցության գնահատման մասին է։

Նպատակն է Կոնվենցիայի կողմ հանդիսացող հարևան երկրներին ծանուցել նախատեսված գործունեության արդյունքում հարևան երկրների վրա հնարավոր անդրսահմանային ազդեցության վերաբերյալ։

Ընդունման ամսաթիվը - 1979թ., Բեռն

Ուժի մեջ է մտել Հայաստանում - 01.08.2008

Ազգային համակարգող - Հակոբ Մաթևոսյան

• Պաշտոն՝ Անտառային քաղաքականության վարչության գլխավոր մասնագետ
• Կոնտակտներ`  հեռ. 011 818 555/5210,  ha.matevosyan@env.am 

 
Բեռնի կոնվենցիան ընդունվել է Եվրոպայի խորհրդի կողմից 1979 թվականին։ Այն նպատակ ունի ապահովել եվրոպական մայրցամաքի վայրի բուսական և կենդանական տեսակների, ինչպես նաև դրանց բնական կենսամիջավայրերի պահպանությունն ու կայուն օգտագործումը։ Հայաստանը կոնվենցիային միացել է 2008 թվականին՝ դառնալով դրա լիիրավ անդամ և ստանձնելով համապատասխան միջազգային պարտավորություններ։ Կոնվենցիայի նպատակն է ապահովել վայրի բուսական և կենդանական տեսակների, ինչպես նաև դրանց կենսամիջավայրերի պահպանությունը՝ հատկապես կարևորելով վտանգված և էնդեմիկ տեսակները։ Այն խթանում է միջազգային համագործակցությունը բնապահպանության ոլորտում և հիմք է հանդիսանում Էմերալդ ցանցի ձևավորման համար։

Մանրամասները՝  https://www.coe.int/en/web/bern-convention

Ուժի մեջ է մտել Հայաստանում - 20․02․2020

«Աֆրիկյան-Եվրասիական չվող ջրային թռչունների պահպանության մասին» համաձայնագիրը մշակվել է «Միգրացվող վայրի կենդանիների տեսակների պահպանության մասին» Բոննի կոնվենցիայի շրջանակներում:

Սույն Համաձայնագրի գործողության աշխարհագրական ոլորտը աֆրո-եվրասիական ջրային թռչունների միգրացիոն ուղիների տարածքն է։ Համաձայնագրի նպատակն է ձեռնարկել բազմակողմանի գործողություններ` տեսակների և բնակավայրերի պահպանություն, մարդու գործողությունների կառավարում, ուսումնասիրություն, դիտանց, կրթություն, տեղեկատվություն ու
իրականացում:
Կողմերը համակարգված քայլեր են ձեռնարկում ջրային թռչունների միգրացվող տեսակներին բարենպաստ պահպանության կարգավիճակում պահելու կամ այդ կարգավիճակը վերականգնելու համար:
2020 թվականի հուլիսի 1-ից Հայաստանը դարձել է «Աֆրո-Եվրասիական չվող ջրլող թռչունների պահպանության մասին» (AEWA) համաձայնագրի 81-րդ անդամ։