Շարունակվում է պլաստիկ արտադրանքի օրենսդրական սահմանափակումների վերաբերյալ իրազեկման ընդլայնված հանդիպում-քննարկումները։

Հրավիրում ենք պլաստիկ արտադրող կազմակերպությունների ներկայացուցիչներին՝ մասնակցելու 2027 թվականի հունվարի 1-ից արգելվող պոլիէթիլենային տոպրակների, մեկանգամյա պլաստիկ արտադրանքի արգելքի և շրջակա միջավայրի վրա ազդեցության տեսանկյունից անվտանգ այլընտրանքային ապրանքների վերաբերյալ հանդիպմանը, որի ընթացքում մանրամասն կներկայացվի օրենսդրական կարգավումների շրջանակը, ինչպես նաև կտրվեն պարզաբանումներ՝ տնտեսվարողների կողմից բարձրացվող հարցերին։

Քննարկման նպատակն է ապահովել օրենսդրական փոփոխությունների արդյունավետ կիրարկում՝ ձևավորելով կառուցողական համագործակցություն պետության և մասնավոր հատվածի միջև։

Հանդիպումը տեղի կունենա 2026 թվականի սեպտեմբերի 18-ին ժամը 15։00-ին շրջակա միջավայրի նախարարության նիստերի դահլիճում։

Մասնակցության համար խնդրում ենք նախապես գրանցվել՝ տվյալներն ուղարկելով press@env.am էլ. հասցեին կամ կապ հաստատելով 011818555 (5120,5172) հեռախոսահամարով: