Նախապատրաստական աշխատանքները Շրջակա միջավայրի նախարարության Էկոպարեկային ծառայության Տավուշի մարզային վարչության գործարկման ուղղությամբ շարունակվում են։
Էկոպարեկային ծառայության ղեկավար Վլադիմիր Կիրակոսյանի ուղեկցությամբ Իջևան քաղաքում նախարար Համբարձում Մաթևոսյանը ծանոթացել է Տավուշի մարզային վարչության մեկնարկի
իրականացված աշխատանքներին։ Այցի ընթացքում դիտարկվել է ծառայողական մեքենաների տեխնիկական հագեցվածությունը, քննարկվել առաջիկա փուլերի կազմակերպչական հարցերը։
Նախարարն այցելել է նաև «Հայանտառ» ՊՈԱԿ-ի Իջևանի անտառտնտեսություն մասնաճյուղի վարչական շենք, ինչպես նաև Էկոպարեկային ծառայության Տավուշի մարզային վարչության համար նախատեսվող տարածք։ Նախարարը տեղում ծանոթացել է շենքային պայմաններին և գնահատել վարչության
գործունեության արդյունավետ կազմակերպման հնարավորությունները։
«Վստահ եմ, որ Տավուշի մարզային վարչության գործարկումը էապես կնպաստի մարզում
բնապահպանական վերահսկողության ուժեղացմանը և ոլորտում առավել համակարգված ու արդյունավետ աշխատանքի ապահովմանը»,-նշել է նախարարը։