Համաձայն «Հանրային լողափի բարեկարգման, կահավորման և սպասարկման տրամադրման» կարգի (այսուհետ՝ կարգ, կցվում է)

1. մրցութային փաթեթին ներկայացվող նվազագույն պահանջներն են՝

ա.  հանրային լողափի (այսուհետ՝ լողափ) կահավորման, բարեկարգման և սպասարկման ներդրումային ծրագիր, որում պարտադիր ներառված լինի նախատեսվող աշխատանքների նկարագրությունը, սխեման, ժամկետը և նախատեսվող ներդրումների չափը՝ կցելով ֆինանսական երաշխիքները։

բ․ լողափ համար առաջարկվող վարձավճարի չափը

գ. շրջակա միջավայրի պահպանության միջոցառումները (բուսական և կենադանական աշխարհի օբյեկտների պահպանություն )

դ. նախատեսվող գործունեության կայունությունը (շարունակականությունը), ֆինանսատնտեսական հաշվարկ,

դ. լողափի շահագործման սկիզբը, 

ե. սոցիալ-տնտեսական բաղադրիչ (ստեղծվող աշխատատեղերի թիվը. ազդեցությունը տարածքի սոցիալ-տնտեսական զարգացման վրա),

զ. ռիսկերի գնահատումը և դրանց հաղթահարմանն ուղղված միջոցառումների առկայությունը։

 

2. Լողափերի կահավորմանը, սպասարկմանը և բարեկարգմանը ներկայացվող պարտադիր պայմաններն են.

ա.հանգստացողների ազատ մուտքի, խաղահրապարակի,հանդերձարանների, շվաքարանների և  ցնցուղարանների անվճար ապահովումը, hաշմանդամություն ունեցող կամ սակավաշարժուն անձանց համար նախատեսված առնվազն անվասայլակի ապահովումը,որը հնարավորություն կտա շարժվել ինչպես ավազի, այնպես էլ ջրի վրա:.

 բ. կարգով սահմանված լողափի բարեկարգման, կահավորման և սպասարկման տեխնիկական բնութագրի ապահովումը.

գ. կարգով սահմանված հանրային լողափերի սպասարկմանը ներկայացվող պարտադիր պահանջների պահպանումը.

դ. համաձայն կարգի լողափի համապատասխանեցումը հաշմանդամություն ունեցող անձանց և բնակչության սակավաշարժուն խմբերի պահանջներին․

ե. տարածքի խմելու և կենցաղային ջրով ապահովումը,

զ. ըստ անհրաժեշտության, սահմանված կարգով ջրօգտագործման թույլտվության ստացումը,

է. կեղտաջրերի լոկալ մաքրման կայանների տեղադրումը,

ը. սանհանգույցների  և ավտոկայանատեղիի առկայությունը,

թ. տարածքի սանիտարահիգենիկ պայմանների ապահովումը,

ժ. ըստ անհրաժեշտության՝ համաձայն «Շրջակա միջավայրի վրա ազդեցության գնահատման և փորձաքննության մասին» օրենքի և դրանից բխող իրավական ակտերեց (Կառավարության 2024 թվականի մայիսի 2-ի N 638 որոշում) սահմանված կարգով փորձաքննական դրական եզրակացության ստացումը,

ի. բացառել լողափի  շահագործումը առանց փրկարարական և բուժuպաuարկման ծառայությունների մատուցման,

լ. լողափը կառուցապատել ոչ հիմնական կառույցներով, հիմնականում մետաղական կամ փայտյա կոնստրուկցիաներով՝ համաձայն ներկայացված ներդրումային ծրագրի, կարգի և ՀՀ կառավարության 2008 թվականի դեկտեմբերի 18-ի №1563-Ն որոշման պահանջներին համապատասխան։

3. մրցութային փաթեթներին ներկայացվող պայմաններն են․

ա.  հայտ (համաձայն ձև 3-ի),

բ. անձնագրի (ֆիզիկական անձի դեպքում) կամ պետական գրանցման վկայականի (իրավաբանական անձի դեպքում) պատճենը

գ. մրցույթային փաթեթը (ներդրումային ծրագիր-նախագիծ)՝ փակ ծրարով։

դ․ ցանկ փաթեթում ներառված փաստաթղթերի վերաբերյալ։

Մասնակիցները մրցույթային փաթեթները պետք է ներկայացնեն սոսնձված և ստորագրված փակ ծրարով:

Ծրարի վրա նշելով հետևյալ գրառումները.

1) հրապարակային ծանուցման մեջ նշված հայտի ներկայացման վայրը (հասցեն),

2) «չբացել մինչև  մրցույթի անցկացման օրը» բառերը,

3) Հանրային լողափի համարը։

Մրցույթում հաղթող կճանաչվի այն մասնակիցը, որի ներկայացրած ծրագիրը հավանության կարժանանա և կառաջարկի առավելագույն գումար: 

Հողամասերը սերվիտուտով ծանրաբեռնված չեն։