Լուսանկարիչ, «Հայաստանի թռչունները» գրքի հեղինակ Բեռտա Մարտիրոսյանը ներկայացնում է, թե ինչու է կարևոր չմիջամտել և ինչպես ճիշտ վարվել, եթե հանդիպել եք գետնին գտնվող թռչնի ձագի։
Թռչունների շատ տեսակների ձագերն այս շրջանում սովորում են թռչել։ Այդ բնական գործընթացի ընթացքում նրանք ժամանակավորապես հայտնվում են գետնին կամ թփերի մեջ։
Ցավոք, բարի մտադրությամբ մարդիկ հաճախ վերցնում են ձագերին՝ կարծելով, թե նրանք լքված են։ Սակայն նման միջամտությունը շատ դեպքերում ոչ թե փրկում, այլ վնասում է՝ զրկելով ձագին բնական խնամքից և նվազեցնելով նրա գոյատևման հնարավորությունները։