Սևանա լճում արդյունագործական նպատակներով ձկան և խեցգետնի որս իրականացնելու համար անհրաժեշտ է ՀՀ Շրջակա միջավայրի նախարարություն ներկայացնել պայմանագրի կնքման հայտ և ստանալ համապատասխան իրավունք։

Պայմանագիր կնքելու հայտը նախարարություն հնարավոր է ներկայացնել ֆիզիկապես, փոստի կամ էլեկտրոնային փոստի միջոցով։

Պայմանագրի հայտը ներկայացնելու համար անհրաժեշտ է պահանջվող փաստաթղթերն ուղարկել հետևյալ էլեկտրոնային հասցեին՝ minenv@env.am:

Պահանջվող փաստաթղթերը

Նշված էլ․ փոստի հասցեին անհրաժեշտ է ուղարկել հետևյալ փաստաթղթերը՝

• պայմանագրի կնքման հայտ,

• իրավաբանական անձի անվանումը, գտնվելու վայրը, ֆիզիկական անձի դեպում՝ անունը, ազգանունը, փաստացի բնակության վայրը,

• ձկան և խեցգետնի տեսակը,

• չափաքանակը,

• օգտագործման ենթակա տարածքը (տեղադիրքը),

• օգտագործման ժամանակահատվածը,

• որսամիջոցները,

• ձկնորսության նպատակով օգտագործվող լողամիջոցի տեսակը և նկարագիրը,

• ձկնորսների քանակը և անձնագրային տվյալները։

Ծառայության մատուցումը մերժելու հիմքերը

Հայտը մերժվում է, եթե՝

• բացակայում են անհրաժեշտ փաստաթղթերը կամ դրանցում ներկայացված տեղեկությունները չեն համապատասխանում իրականությանը։

Տրամադրման ժամկետը և կարգը

Հայտը պետք է ներկայացնել ՀՀ ՇՄ նախարարության կայքէջում յուրաքանչյուր տարվա համապատասխան հայտարարությունը տեղադրելու օրվանից հետո 10 օրվա ընթացքում:

 

Հայտում կամ կից փաստաթղթերում թերությունների առկայության դեպքում դիմողը եռօրյա ժամկետում տեղեկացվում է` 3 աշխատանքային օրվա ընթացքում վերացնելու նշված թերությունները:

Հղում օրենսդրությանը

• ՀՀ կառավարության 2019 թվականի նոյեմբերի 21-ի N 1667-Ն որոշում

Իրավական ակտերը հնարավոր է գտնել Arlis.am-ում։