«Անհետացման եզրին գտնվող վայրի կենդանական ու բուսական աշխարհի տեսակների միջազգային առևտրի մասին» կոնվենցիայով կարգավորման ենթակա վայրի կենդանիներ և բույսեր, ինչպես նաև դրանց մասերն ու ածանցյալները ՀՀ տարածքից  արտահանելու, վերարտահանելու և ՀՀ տարածք ներմուծելու համար անհրաժեշտ է Շրջակա միջավայրի նախարարությունից ստանալ համապատասխան թույլտվություն։
Թույլտվություն ստանալու հայտը նախարարություն հնարավոր է ներկայացնել  ֆիզիկապես կամ էլեկտրոնային փոստի միջոցով։ 
Արտահանման ՍԻԹԵՍ թույլտվություն ստանալու համար անձը պետք է հայտը և պահանջվող փաստաթղթերը ուղարկի հետևյալ էլեկտրոնային հասցեին՝ minenv@env.am էլ- հասցեին:  

Պահանջվող փաստաթղթերը

Նշված էլ․ փոստի հասցեին անհրաժեշտ է ուղարկել հետևյալ փաստաթղթերը՝

• դիմում՝ ՍԻԹԵՍ գրանցամատյաններում հաշվառվելու նպատակով,

• համապատասխան թույլտվությունը ստանալուց հետո ներկայացնել հայտ՝ ՀՀ տարածքից անհետացման եզրին գտնվող վայրի կենդանիներ (բույսեր) արտահանելու, վերաարտահանելու և ներմուծելու (ՍԻԹԵՍ) թույլտվություն ստանալու նպատակով,

• նմուշի ձեռքբերման և ծագման օրինականությունը հաստատող փաստաթղթերը, նմուշի նկատմամբ հայտատուի սեփականության իրավունքը հաստատող փաստաթուղթ, 

• արտահանողի և ներմուծողի միջև կնքված պայմանագրի պատճենը,

• նմուշի արտահանման դեպքում` ներմուծման երկրի կողմից տրված թույլտվությունը,

• նմուշի արտահանման դեպքում` տվյալ նմուշի ծագման հավաստագիրը,

• թառափազգիների ձկնկիթների դեպքում` նաև՝

• տեղեկություններ այն թառափազգիների ծագման աղբյուրի մասին, որոնցից արտադրվել է ձկնկիթը,

• տեղեկություններ թառափազգիների խավիարի փաթեթավորման կամ վերափաթեթավորման տարաների պիտակավորման և ՀՀ կառավարության 2009 թվականի հոկտեմբերի 22-ի N 1281-Ն որոշմամբ (իրավական ակտը կնարավոր է գտնել arlis.am-ում) սահմանված կարգով մակնշման մասին,

• տեղեկություններ ձկնկիթների քանակության մասին` ըստ թառափազգիների տեսակների կամ դրանց հիբրիդ ձևերի, և դրանց փոխադրման տարաների մասին,

• դեղագործական, բուժական կամ կանխարգելման նպատակներով օգտագործման համար նախատեսված բույսերի, և կենդանական ծագում ունեցող նյութերի դեպքում տրված արտահանման հավաստագրի պատճենը (տրամադրում է ՀՀ Առողջապահության նախարարությունը)։

Ծառայության մատուցումը մերժելու հիմքերը

 Հայտը մերժվում է, եթե՝

• բացակայում են անհրաժեշտ փաստաթղթերը և հայտատուի կողմից չեն ներկայացվել 5 օրվա ընթացքում, իսկ թառափազգիների դեպքում՝ 1 օրվա ընթացքում կամ դրանցում ներկայացված տեղեկությունները չեն համապատասխանում իրականությանը,

• նմուշի առևտուրը չի իրականացվել ՍԻԹԵՍ-ի դրույթներով սահմանված պահանջների համաձայն, կամ գիտական մարմինը տվել է բացասական եզրակացություն,

• կենդանի նմուշների տեղափոխման պայմանները չեն համապատասխանում IATA-ի (օդային ճանապարհով տեղափոխման կանոնակարգեր) կենդանիների կամ շուտ փչացող բեռների կանոններով կամ ՍԻԹԵՍ-ի ուղեցույցներով փոխադրման համար սահմանված պահանջներին,

• հայտում ներկայացված արտահանվող նմուշների տեսակների քանակը գերազանցում է արտահանման համար կողմերի կողմից կամավոր սահմանված կամ ՍԻԹԵՍ-ի կողմերի խորհրդաժողովի կամ մշտական հանձնաժողովի կողմից որոշված տարեկան չափաքանակների ընդհանուր քանակը.

• հայտում նշված արտահանվող նմուշը ձեռք է բերվել «Բուսական աշխարհի մասին» կամ «Կենդանական աշխարհի մասին» կամ «Որսի և որսորդական տնտեսության վարման մասին» ՀՀ օրենքների խախտմամբ:

Տրամադրման ժամկետը և կարգը

Նմուշների արտահանման թույլտվությունը տրվում է դիմումը ներկայացնելուց հետո 10 աշխատանքային օրվա ընթացքում։

Թույլտվությունը տրամադրվում է միայն ֆիզիկապես։

Նմուշների վերարտահանման թույլտվություն ստանալու հայտ ներկայացնելու համար անձը պետք է պահանջվող փաստաթղթերն ուղարկի հետևյալ էլեկտրոնային հասցեին՝ minenv@env.am: 

Պահանջվող փաստաթղթերը

Նշված էլ․ փոստի հասցեին անհրաժեշտ է ուղարկել հետևյալ փաստաթղթերը՝

• դիմում՝ ՍԻԹԵՍ գրանցամատյաններում հաշվառվելու նպատակով,

• համապատասխան թույլտվությունը ստանալուց հետո ներկայացնել հայտ՝ ՀՀ տարածքից անհետացման եզրին գտնվող վայրի կենդանիներ (բույսեր) արտահանելու, վերաարտահանելու և ներմուծելու (ՍԻԹԵՍ) թույլտվություն ստանալու նպատակով,

• տեղեկություններ ՀՀ տարածք ներմուծման համար ստացված նախկին թույլտվության մասին,

• արտահանողի և ներմուծողի միջև կնքված պայմանագրի կամ տվյալ վերարտահանումը հավաստող պայմանագրային այլ փաստաթղթի պատճենը` բացառությամբ այն դեպքերի, երբ փոխադրման ենթակա նմուշը հանդիսանում է տվյալ նմուշը փոխադրողի սեփականություն,

• նմուշի վերարտահանման դեպքում` ներմուծման երկրի կողմից տրված ներմուծման թույլտվությունը կամ կողմ չհանդիսացող երկրի կողմից տրված ներմուծման թույլտվությունը,

• նմուշի վերարտահանման դեպքում` տվյալ նմուշի ծագման հավաստագիրը,

• դեղագործական, բուժական կամ կանխարգելման նպատակներով օգտագործման համար նախատեսված բույսերի և կենդանական ծագում ունեցող նյութերի վերարտահանման դեպքում` ՀՀ առողջապահության նախարարության կողմից տրված արտահանման հավաստագրի պատճենը։

Ծառայության մատուցումը մերժելու հիմքերը

 Հայտը մերժվում է, եթե՝

• հայտում և դրան կից փաստաթղթերում բացակայող տեղեկությունները հայտատուի կողմից չեն ներկայացվել 5 օրվա ընթացքում, կամ դրանցում ներկայացված տեղեկությունները չեն համապատասխանում իրականությանը,

• հայտում նշված նմուշը նախկինում ՀՀ տարածք է ներմուծվել ՍԻԹԵՍ-ի դրույթներով և սահմանված ներմուծման պահանջների խախտմամբ, կամ գիտական մարմինը եզրակացություն է տվել, որ նման առևտուրն սպառնում է տվյալ տեսակի գոյատևմանը,

• կենդանի նմուշների տեղափոխման պայմանները չեն համապատասխանում IATA-ի (օդային ճանապարհով տեղափոխման կանոնակարգեր) կենդանի վիճակում գտնվող կենդանիների կամ շուտ փչացող բեռների կանոններով կամ ՍԻԹԵՍ-ի ուղեցույցներով սահմանված պահանջներին:

Տրամադրման ժամկետը և կարգը

Նմուշների վերարտահանման թույլտվությունը տրվում է դիմումը ներկայացնելուց հետո 10 օրվա ընթացում:

Թույլտվությունը տրամադրվում է միայն ֆիզիկապես։

Նմուշների ներմուծման թույլտվություն ստանալու հայտ ներկայացնելու համար անձը պետք է պահանջվող փաստաթղթերն ուղարկի հետևյալ էլեկտրոնային հասցեին՝ minenv@env.am: 

Պահանջվող փաստաթղթերը

Նշված էլ․ փոստի հասցեին անհրաժեշտ է ուղարկել հետևյալ փաստաթղթերը՝

• դիմում՝ ՍԻԹԵՍ գրանցամատյաններում հաշվառվելու նպատակով,

• համապատասխան թույլտվությունը ստանալուց հետո ներկայացնել հայտ՝ ՀՀ տարածքից անհետացման եզրին գտնվող վայրի կենդանիներ (բույսեր) արտահանելու, վերաարտահանելու և ներմուծելու (ՍԻԹԵՍ) թույլտվություն ստանալու նպատակով,

• արտահանողի և ներմուծողի միջև կնքված պայմանագրի կամ տվյալ ներմուծումը հավաստող պայմանագրային այլ փաստաթղթի պատճենը` բացառությամբ այն դեպքերի, երբ փոխադրման ենթակա նմուշը տվյալ նմուշը փոխադրողի սեփականությունն է։

Ծառայության մատուցումը մերժելու հիմքերը

 Հայտը մերժվում է, եթե՝

• բացակայում են անհրաժեշտ փաստաթղթերը կամ դրանցում ներկայացված տեղեկությունները չեն համապատասխանում իրականությանը,

•  հայտում նշված նմուշի առևտուրը չի իրականացվել ՍԻԹԵՍ-ի դրույթներով սահմանված պահանջների համաձայն, կամ գիտական մարմինը եզրակացություն է տվել, որ նման առևտուրն սպառնում է տվյալ տեսակի գոյատևմանը,

• կենդանի նմուշների տեղափոխման պայմանները չեն համապատասխանում IATA-ի (օդային ճանապարհով տեղափոխման կանոնակարգեր) կենդանի վիճակում գտնվող կենդանիների կամ շուտ փչացող բեռների կանոններով կամ ՍԻԹԵՍ-ի ուղեցույցներով սահմանված պահանջներին,

• հայտում ներկայացված ներմուծվող նմուշների տեսակների քանակը գերազանցում է ներմուծման համար կողմերի սահմանած կամ ՍԻԹԵՍ-ի խորհրդաժողովի կամ մշտական հանձնաժողովի կողմից որոշված տարեկան չափաքանակների ընդհանուր քանակը:

Տրամադրման ժամկետը և կարգը

Նմուշների ներմուծման թույլտվությունը տրվում է դիմումը ներկայացնելուց հետո 10 օրվա ընթացում:

Թույլտվությունը տրամադրվում է միայն ֆիզիկապես։