ՀՀ տարածքից բուսաբանական հավաքածուներ և առանձին նմուշներ արտահանելու (ներմուծելու) համար անհրաժեշտ է ՀՀ Շրջակա միջավայրի նախարարությունից ստանալ համապատասխան թույլտվություն։
Հայտը ներկայացվում է էլեկտրոնային եղանակով` ՀՀ արտաքին առևտրի ազգային մեկ պատուհան էլեկտրոնային հարթակում (www.trade.gov.am) հասանելի «Թույլատվական փաստաթղթեր» (www.sw.gov.am) համակարգի միջոցով։
Թույլտվություն ստանալու հայտը նախարարություն հնարավոր է ներկայացնել էլեկտրոնային փոստով կամ ֆիզիկապես։

ՀՀ տարածքից վայրի կենդանիներ և կենդանաբանական հավաքածուներ արտահանելու (ներմուծելու) համար անհրաժեշտ է ՀՀ Շրջակա միջավայրի նախարարությունից ստանալ համապատասխան թույլտվություն։

Հայտը ներկայացվում է էլեկտրոնային եղանակով` ՀՀ արտաքին առևտրի ազգային մեկ պատուհան էլեկտրոնային հարթակում (www.trade.gov.am) հասանելի «Թույլատվական փաստաթղթեր» (www.sw.gov.am) համակարգի միջոցով։

ՀՀ-ում անազատ և կիսազատ պայմաններում վայրի կենդանիներ, այդ թվում՝ ՀՀ կենդանիների Կարմիր գրքում գրանցված կենդանիներ պահելու համար անհրաժեշտ է Շրջակա միջավայրի նախարարությունից ստանալ համապատասխան թույլտվություն։

Թույլտվություն ստանալու հայտը նախարարություն հնարավոր է ներկայացնել էլեկտրոնային փոստով կամ ֆիզիկապես։  

ՀՀ-ում կիսաազատ պայմաններում պահվող և Կարմիր գրքում գրանցված երկրորդ կենսունակ սերնդից սկսած վայրի կենդանիներ օգտագործելու համար անհրաժեշտ է ՀՀ Շրջակա միջավայրի նախարարությունից ստանալ համապատասխան թույլտվություն։

Թույլտվություն ստանալու հայտը նախարարություն հնարավոր է ներկայացնել էլեկտրոնային փոստով կամ ֆիզիկապես։

Վերաբնակեցման նպատակը ՀՀ տարածքում հանդիպող կենդանատեսակի վերադարձն է իր կենսամիջավայր՝ պոպուլյացիայի վերականգնման կամ համալրման նպատակով:

ՀՀ-ում ազատ պայմաններում վայրի կենդանիներ վերաբնակեցնելու համար անհրաժեշտ է Շրջակա միջավայրի նախարարությունից ստանալ համապատասխան թույլտվություն։

Թույլտվություն ստանալու հայտը նախարարություն հնարավոր է ներկայացնել էլեկտրոնային փոստով կամ ֆիզիկապես։

«Անհետացման եզրին գտնվող վայրի կենդանական ու բուսական աշխարհի տեսակների միջազգային առևտրի մասին» կոնվենցիայով կարգավորման ենթակա վայրի կենդանիներ և բույսեր, ինչպես նաև դրանց մասերն ու ածանցյալները ՀՀ տարածքից  արտահանելու, վերարտահանելու և ՀՀ տարածք ներմուծելու համար անհրաժեշտ է Շրջակա միջավայրի նախարարությունից ստանալ համապատասխան թույլտվություն։
Թույլտվություն ստանալու հայտը նախարարություն հնարավոր է ներկայացնել  ֆիզիկապես կամ էլեկտրոնային փոստի միջոցով։ 

Արտահանման ՍԻԹԵՍ թույլտվություն ստանալու համար անձը պետք է հայտը և պահանջվող փաստաթղթերը ուղարկի հետևյալ էլեկտրոնային հասցեին՝ minenv@env.am էլ- հասցեին:  

ՀՀ-ում ջրօգտագործման թույլտվություն տրամադրում է ՀՀ Շրջակա միջավայրի նախարարությունը ջրօգտագործողի հայտի հիման վրա։

Ջրօգտագործման թույլտվություն ստանալու հայտ ներկայացնելու համար անձը պետք է պահանջվող փաստաթղթերն ուղարկի ստորև նշված էլեկտրոնային հասցեին՝ minenv@env.am

ՀՀ-ում մթնոլորտ արտանետման թույլտվություն ստանալու համար անհրաժեշտ է կազմել սահմանային թույլատրելի արտանետումների նորմատիվների նախագիծ (ՍԹԱ) և ՀՀ Շրջակա միջավայրի նախարարությունից ստանալ համապատասխան թույլտվություն։

Թույլտվություն ստանալու հայտը նախարարություն հնարավոր է ներկայացնել էլեկտրոնային փոստի միջոցով։

Օզոնային շերտը քայքայող նյութեր և հիդրոֆտորածխածիններ ՀՀ ներմուծելու համար անհրաժեշտ է ՀՀ Շրջակա միջավայրի նախարարությունից ստանալ անհատական չափաքանակ (քվոտա)։

Քվոտա ստանալու հայտը նախարարություն հնարավոր է ներկայացնել էլեկտրոնային փոստի միջոցով։

Եվրասիական տնտեսական միության (ԵԱՏՄ) մաքսային տարածքով վայրի կենդանիներ, բույսեր և դեղաբուսական հումք (որոնց տեղափոխումը սահմանափակ է) արտահանելու համար անհրաժեշտ է ՀՀ  Շրջակա միջավայրի նախարարությունից ստանալ համապատասխան լիցենզիա։

Սահմանափակ տեղափոխմամբ կենդանիների, բույսերի և այլ ապրանքների ցանկը սահմանված է ՀՀ կառավարության 2014 թվականի N 1524-Ն որոշմամբ (իրավական ակտը հնարավոր է գտնել arlis.am-ում)։

Հայտը ներկայացվում է էլեկտրոնային եղանակով` ՀՀ արտաքին առևտրի ազգային մեկ պատուհան էլեկտրոնային հարթակում (www.trade.gov.am) հասանելի «Թույլատվական փաստաթղթեր» (www.sw.gov.am) համակարգի միջոցով:

Եվրասիական տնտեսական միության (ԵԱՏՄ) մաքսային տարածքով, անդամ պետությունների Կարմիր գրքերում ընդգրկված հազվագյուտ և անհետացման եզրին գտնվող վայրի կենդանիներ (բույսեր) արտահանելու համար անհրաժեշտ է ստանալ լիցենզիա։

Սահմանափակ տեղափոխմամբ կենդանիների, բույսերի և այլ ապրանքների ցանկը սահմանված է Կառավարության 2014 թվականի N 1524-Ն որոշմամբ (իրավական ակտը հնարավոր է գտնել arlis.am-ում)։

Օզոնային շերտը քայքայող նյութեր և հիդրոֆտորածխածիններ ՀՀ ներմուծելու համար անհրաժեշտ է ՀՀ Շրջակա միջավայրի նախարարությունից ստանալ անհատական չափաքանակ (քվոտա)։

Քվոտա ստանալու հայտը նախարարություն հնարավոր է ներկայացնել էլեկտրոնային փոստի միջոցով։

ՀՀ տարածք թմրամիջոցների և հոգեմետ նյութերի պրեկուրսորներ չհամարվող թունավոր նյութեր ներմուծելու կամ արտահանելու համար անհրաժեշտ է Շրջակա միջավայրի նախարարությունից ստանալ համապատասխան լիցենզիա։

ՀՀ վտանգավոր թափոններ ներմուծելու (արտահանելու) համար անհրաժեշտ է ՀՀ Շրջակա միջավայրի նախարարությունից ստանա համապատասխան լիցենզիա։ Սահմանափակ տեղափոխմամբ նյութերի ցանկը սահմանված է ՀՀ կառավարության 2014 թվականի N 1524-Ն որոշմամբ:

Լիցենզիա ստանալու հայտը նախարարություն հնարավոր է ներկայացնել էլեկտրոնային եղանակով` ՀՀ արտաքին առևտրի ազգային մեկ պատուհան էլեկտրոնային հարթակում (www.trade.gov.am) հասանելի «Թույլատվական փաստաթղթեր» (www.sw.gov.am) համակարգի միջոցով։

ՀՀ-ում վտանգավոր թափոններ գործածելու համար անհրաժեշտ է ՀՀ Շրջակա միջավայրի նախարարությունից ստանալ համապատասխան լիցենզիա։ 

Լիցենզիա ստանալու հայտը նախարարություն հնարավոր է ներկայացնել էլեկտրոնային փոստի միջոցով։

Շրջակա միջավայրի վրա ազդեցության գնահատման (ՇՄԱԳ) և փորձաքննության նպատակն է նպաստել էկոլոգիական անվտանգության պահանջների և բնապահպանական սահմանափակումների հիման վրա կայուն զարգացմանը, ինչպես նաև կանխարգելել հնարավոր վնասակար ազդեցություններն ու դրանց հետևանքները։

Շրջակա միջավայրի վրա ազդեցության գնահատումն իրականացնում է նախաձեռնողը՝ համապատասխան լիցենզիա ունենալու դեպքում կամ համապատասխան լիցենզիա ունեցող անհատ ձեռնարկատիրոջ կամ իրավաբանական անձի հետ պայմանագիր կնքելու միջոցով։ ՇՄԱԳ հաշվետվության մշակման գործունեության լիցենզավորման կարգը հաստատում է Կառավարությունը:

Շրջակա միջավայրի վրա ազդեցության փորձաքննական եզրակացություն ստանալու համար անհրաժեշտ է նախաձեռնողի կողմից ՀՀ Շրջակա միջավայրի նախարարություն ներկայացնել դիմում: 2024_N438hav.2.docx,  2024_N438hav.1.docx

Ռազմավարական էկոլոգիական գնահատումն իրականացնում է նախաձեռնողը՝ համապատասխան լիցենզիա ունենալու դեպքում կամ լիցենզիա ունեցող անհատ ձեռնարկատիրոջ կամ իրավաբանական անձի հետ պայմանագիր կնքելու միջոցով: 

Հիմնադրույթային փաստաթղթի շրջակա միջավայրի վրա ազդեցության փորձաքննական եզրակացություն ստանալու համար անհրաժեշտ է դիմել Շրջակա միջավայրի նախարարություն: